No Ania ti Ibaga No Itukon Dagiti Magasin

Ti Pagwanawanan Hulio 1

“Iti panagkunayo, posible ngata a maaddaantayo iti talna ti panunot iti daytoy nariribuk a tiempo? [Palubosanyo a sumungbat.] Imutektekanyo no ania ti kuna ti Biblia iti Filipos 4:6, 7. [Basaenyo.] Ilawlawag daytoy nga artikulo no kasanotayo a maaddaan iti talna nga ipapaay ti Dios.” Itampokyo ti artikulo a mangrugi iti panid 10.

Agriingkayo! Hulio

“Adu kadatayo ti agyamyaman kadagiti insuro dagiti dadakkeltayo. Iti panagkunayo, panangipakita ngata iti kinaawan panagraem no sukimatentayo dagiti narelihiosuan a sursuro a naammuantayo idi ubbingtayo pay? [Palubosanyo a sumungbat sa basaenyo ti 1 Juan 4:1.] Ipakita daytoy nga artikulo no, dakes ngata a balbaliwantayo ti relihiontayo?” Itampokyo ti artikulo a mangrugi iti panid 28.

Ti Pagwanawanan Agosto 1

“Kuna dagiti dadduma a ti relihion ket nagduduma laeng a dalan nga agturong iti isu met la a Dios. Iti panagkunayo, nasayaat kadi ti amin a relihion? [Palubosanyo a sumungbat sa basaenyo ti Mateo 7:13, 14.] Ibinsabinsa daytoy a magasin ti tallo nga espesipiko a banag a sigun iti Biblia ket rumbeng nga itandudo ti nasayaat a relihion.”

Agriingkayo! Agosto

“Amintayo ket nagbalinen a biktima ti diskriminasion. Iti panagkunayo, ania ngata ti rikna ti Dios iti panangidumduma? [Palubosanyo a sumungbat sa basaenyo ti Aramid 10:34, 35.] Ti Biblia liwliwaennatayo no biktimatayo iti diskriminasion. Tulongannatayo pay a mangparmek iti aniaman a marikriknatayo a panangidumduma. Daytoy a magasin ti mangilawlawag iti dayta.”