No Ania ti Ibaga no Itukon Dagiti Magasin

Ti Pagwanawanan Setiembre 1

“Adu ti agkuna a sarsarita laeng ti salaysay ti Genesis maipapan kada Adan ken Eva. Patien met ti dadduma a pudpudno a tattao da Adan ken Eva. Ania ti panagkunayo? [Palubosanyo a sumungbat.] Imutektekanyo no ania ti kinuna ni Jesus maipapan kadakuada. [Basaen ti Marcos 10:6-9.] Ipakita daytoy nga artikulo ti pammaneknek ken ilawlawagna no apay a napateg no ania ti patpatientayo.” Itampok ti artikulo a mangrugi iti panid 12.

Agriingkayo! Setiembre

Basaenyo ti 1 Juan 4:8 sayo kunaen: “Ipagarup ti dadduma a dagiti managdakdakes ket agnanayon a dusaen ti Dios iti umap-apuy nga impierno. Para kadagiti dadduma, dayta a sursuro ket saan a maitunos iti binasata. Ania ti panagkunam? [Palubosanyo a sumungbat.] Ipakita daytoy nga artikulo no ania ti isursuro ti Biblia maipapan iti daytoy a topiko.” Itampokyo ti artikulo a mangrugi iti panid 10.

Ti Pagwanawanan Oktubre 1

“Agpaspasartayo amin iti pakarigatan iti biag. [Mangdakamat iti sumagmamano a pagarigan a gagangay iti teritoriayo.] Iti panagkunayo, matulongannatayo kadi ti Dios mainaig kadagitoy? [Palubosanyo a sumungbat.] Iti daytoy a bersikulo, dinakamat ni Jesus ti maysa a pamay-an a matulongannatayo ti Dios. [Basaen ti Lucas 11:13.] Ilawlawag daytoy a magasin no ania ti nasantuan nga espiritu ken no kasanonatayo a magunggonaan.”

Agriingkayo! Oktubre

“Gagangay a rumsua ti problema iti tunggal pamilia. Iti panagkunayo, sadino ngata ti pakasarakan dagiti pamilia iti mapagpannurayan ken praktikal a balakad? [Palubosanyo a sumungbat sa basaenyo ti Salmo 32:8.] Daytoy nga espesial a ruar ti Agriingkayo! ibinsabinsana dagiti sumagmamano nga espesipiko a prinsipio ti Biblia a makatulong kadagiti pamilia no iyaplikarda dagitoy.”