No Ania ti Ibagayo Maipapan Kadagiti Magasin

Ti Pagwanawanan Enero 1

“Iti panagkunayo, maseknan ngata ti Dios iti mapaspasamak a pannakadadael ti aglawlawtayo? [Palubosanyo a sumungbat sa basaenyo ti Apocalipsis 11:18.] Ipaay daytoy nga artikulo dagiti Nainkasuratan a rason no apay a makapagtalektayo nga adda nasayaat a masakbayan ti daga.” Itampokyo ti artikulo iti panid 18.

Agriingkayo! Enero

“No maipasangoda kadagiti problema, adu a tattao ti mangipagarup a dusdusaen ida ti Dios. Kasta met kadi ti pagarupyo? [Palubosanyo a sumungbat sa basaenyo ti Santiago 1:13.] Ilawlawag daytoy nga artikulo no siasino a talaga ti paggapgapuan ti problematayo ken no apay a makapagtalektayo a mabiiten nga agpatingga dagita.” Itampokyo ti artikulo a mangrugi iti panid 28.

Ti Pagwanawanan Pebrero 1

“Iti panagkunayo, awaten ngata ti Dios ti amin a relihion? [Palubosanyo a sumungbat.] Imutektekanyo ti pannakaseknan nga inyebkas ditoy ni Jesus. [Basaenyo ti Mateo 15:8, 9.] Ilawlawag daytoy nga artikulo no awaten ti Dios ti amin a kita ti panagdaydayaw.” Itampokyo ti artikulo iti panid 9.

Agriingkayo! Pebrero

“Amin a banag maipapan iti daga ipasimudaagna a naparsua daytoy a mangsustiner iti biag. Iti panagkunayo, naiparparna laeng kadi daytoy, wenno mamatikayo a dinisenio daytoy ti maysa a Namarsua? [Palubosanyo a sumungbat.] Adu a tattao ti umanamong iti daytoy a bersikulo iti Biblia. [Basaenyo ti Salmo 104:24.] Salaysayen daytoy a magasin ti nasientipikuan ken Nainkasuratan a pammaneknek nga adda Namarsua.”