No Ania ti Ibaga No Itukon Dagiti Magasin

Ti Pagwanawanan Enero 1

“Iti panagkunam, nasaysayaat ngata ti lubong a pagnaedan no sursuroten ti amin a tattao daytoy a prinsipio ti Biblia? [Basaen ti Roma 12:18 sa palubosan a sumungbat.] No kasta, napanunotmo kadin no apay nga adda dagiti gundaway nga imbilin ti Dios a makigubat ti nagkauna nga ilina? Ipalgak daytoy nga artikulo ti nalawag a sungbat ti Biblia.” Ipakita ti artikulo a mangrugi iti panid 13.

Agriingkayo! Enero

Basaen ti Aramid 17:31a. Kalpasanna, kunaen: “Para iti adu, nakaam-amak a panunoten ti iyaay ti Aldaw ti Panangukom. Ania ti panagkunam? [Palubosan a sumungbat.] Isursuro ti Biblia nga adunto a bendision ti itden ti Aldaw ti Panangukom. Daytoy nga artikulo ti mangilawlawag.” Ipakita ti artikulo a mangrugi iti panid 10.

Ti Pagwanawanan Pebrero 1

“Adu a tattao ti mangnamnama a mapanda idiay langit inton matayda. Makaallukoy kadi kenka dayta a namnama? [Palubosan a sumungbat.] Usigem no ania ti kunaen ti Biblia a namnama para iti kaaduan a naimbag a tattao. [Basaen ti Salmo 37:29.] Tulongannaka daytoy a magasin a mangusig iti ibagbaga ti Biblia no siasino ti mapan idiay langit ken no ania ti aramidenda sadiay.”

Agriingkayo! Pebrero

“Gagangay itan ti diborsio. Iti panagkunam, dagiti ngata nagdiborsio nga agassawa nagpanunotda met laeng a naimbag sakbay a nagdiborsioda? [Palubosan a sumungbat sa basaen ti Proverbio 14:15.] Dakamaten daytoy nga artikulo dagiti uppat a banag a rumbeng nga usigen dagiti agassawa nga agpangpanggep nga agdiborsio.”