No Ania ti Ibagayo Maipapan Kadagiti Magasin

Ti Pagwanawanan Mayo 15

“Ania ti sungbatyo iti daytoy a saludsod? [Basaenyo ti saludsod iti akkub ti magasin sa palubosanyo a sumungbat.] Ikkannatayo ti Biblia iti rason a mangnamnama. [Basaenyo ti Mateo 6:9, 10.] Ilawlawag daytoy a magasin no kasano a ti Pagarian ti Dios ibanagnanto ti pagayatan ti Dios ditoy daga.”

Agriingkayo! Mayo

“Iti panagkunayo, nasaksakbay kadi nga inkeddeng ti Dios dagiti aramid ken pagtungpalantayo? [Palubosanyo a sumungbat.] Sigun iti daytoy a teksto iti Biblia, ti Dios inikkanna dagiti tattao iti wayawaya a mangikeddeng no kasanoda nga usaren ti biagda. [Basaenyo ti Deuteronomio 30:19.] Ipakita daytoy nga artikulo no ania ti kuna ti Biblia maipapan iti daytoy a banag.” Itampokyo ti artikulo a mangrugi iti panid 12.

Ti Pagwanawanan Hun. 1

“Dandani inaldaw a makangngegtayo iti damag maipapan kadagidiay agar-aramid iti dakes. [Mangdakamatkayo iti agdama nga ehemplo iti lugaryo.] Napampanunotyo kadin no adda di makita a dakes a gubuayan a mangim-impluensia kadagiti tattao? [Palubosanyo a sumungbat sa basaenyo ti Apocalipsis 12:12.] Ilawlawag daytoy a magasin no kasanotayo a masalakniban ti bagitayo.”

Agriingkayo! Hun.

“Kayatko a maammuan ti opinionyo iti daytoy a banag. [Basaenyo ti 1 Timoteo 6:10.] Iti panagkunayo, talaga kadi nga agsagaba dagidiay naigamer iti pananggun-od iti kuarta ken kadagiti material a sanikua? [Palubosanyo a sumungbat.] Dakamaten daytoy a magasin dagiti dakes nga epekto ti pananggun-od iti kinabaknang.”