No Ania ti Ibagayo Maipapan Kadagiti Magasin

Ti Pagwanawanan Mayo 15

“Kayatyo kadi ti agbiag iti sidong dagiti kasasaad a nadeskribir iti daytoy a padto ti Biblia? [Basaenyo ti 2 Pedro 3:13 sa palubosanyo a sumungbat.] Ilawlawag daytoy a magasin no ania ti baro a langlangit ken baro a daga. Salaysayenna pay no kasano a naidumanto ti biag inton ibanag ti Dios ti panggepna ditoy daga.”

Agriingkayo! Mayo

“Patien ti dadduma a tattao a masapul ti kinaagresibo tapno agballigi iti daytoy a lubong. Maisupadi iti dayta, usigenyo no ania ti inrekomenda ni Jesus. [Basaenyo ti Mateo 5:5, 9.] Umanamongkayo kadi iti dayta? [Palubosanyo a sumungbat.] Dakamaten daytoy a magasin ti tallo a pagimbagan ti panagbalin a mannakikappia.” Itampokyo ti artikulo a mangrugi iti panid 28.

Ti Pagwanawanan Hun. 1

“Iti kaaduan a kultura, adda idi panawen a mararaem dagiti nataengan, kas ipakita daytoy nagkauna a linteg. [Basaenyo ti Levitico 19:32.] Iti panagkunayo, maipakpakita kadi pay laeng ita ti kasta a panagraem? [Palubosanyo a sumungbat.] Usigen daytoy a magasin no kasano ti pannakaseknan ti Dios kadagiti nataengan ken no kasano a maipakitatayo met dayta.”

Agriingkayo! Hun.

“Ammotayon ti maipapan iti terorismo, ngem ita nagsaknapen daytoy iti intero a lubong, nga ap-apektaranna ti nganngani amin a biag. Ania ti ammoyo a makagapu? [Palubosanyo a sumungbat.] Ipakita daytoy a ruar ti Agriingkayo! ti sungbat ti Biblia no kaano nga agpatingga ti terorismo ken no kasano nga iyeg ti Dios ti pudpudno a talna ditoy daga.” Basaenyo ti Mikias 4:4.