Saludsod

◼ Maitutop kadi nga ikabil ti personal nga e-mail address-tayo kadagiti literatura nga ipaimatayo?

Adda dagiti agibumbunannag a mangikabkabil iti e-mail address-da kadagiti magasin wenno tract nga ipaimada. Iyimprentada dayta iti mismo a literatura wenno ipigketda. Dagiti umawat kadagiti literatura mabalinda ti makiuman iti agibumbunannag tapno agkiddaw iti kanayonan nga impormasion. Mabalin a nasayaat ti panggep ti kasta a panangikagumaan a mangtulong kadagiti interesado. Ngem ti opisial a Web site-tayo ket naikabilen iti likud dagiti magasin ken tract. Gapuna, kasayaatan no saantayo a mangikabil iti personal nga e-mail address kadagiti literatura.

Dagiti agibumbunannag ti mangikeddeng no isuratda iti papel ti nagan, adres, ken numero ti teleponoda sada ited kadagiti tattao a makasabaanda iti teritoria, nangnangruna no sumarungkarda. Masapul a datayo ti agdisnudo a sumarungkar kadagiti interesado imbes nga urayentayo ida a makiuman kadatayo tapno dumawat iti kanayonan nga impormasion. Nalaklaka nga ipakita ti napaypayso a personal nga interestayo no makasaritatayo iti rupanrupa dagiti tattao.