Eskediul ti Gimong ti Serbisio
Lawas ti Marso 10
10 min: Lokal a pakaammo. Usaren dagiti singasing iti panid 4 wenno ti dadduma pay a presentasion a maitutop iti teritoriayo a mangidemostra no kasano nga itukon ti Marso 1 a Pagwanawanan ken ti Marso nga Agriingkayo! agraman ti imbitasion iti Memorial.
20 min: Apay a Nasken a Makigimongtayo? Palawag ken pagsasaritaan ti tallaong a naibatay iti Mayo 15, 2007 a ruar Ti Pagwanawanan, panid 11-13. Pagkomentuen ti tallaong no kasanoda a nabenepisiaran iti itatabunoda kadagiti gimong iti kongregasion ken no kasanoda a napagballigian dagiti lapped tapno regular a makatabunoda kadagiti gimong.
15 min: “Adda Maitedtayo ken Jehova.”a No ipalubos ti oras, awisenyo ti tallaong a mangkomento kadagiti naisitar a teksto.
Lawas ti Marso 17
10 min: Lokal a pakaammo. Ipalagip iti tallaong nga itugotda ti Abril 1 a Pagwanawanan ken ti Abril nga Agriingkayo para iti Gimong ti Serbisio inton sumaganad a lawas ken nakasaganada no mapagsasaritaan dagiti maitutop a presentasion iti lokal a teritoria. Dagiti napili a Pakaammo iti Ti Ministeriotayo iti Pagarian.
15 min: “Saludsod.” Iparang ti maysa a panglakayen. Basaen ken salaysayen ti intero nga artikulo.
20 min: “Kasanotay a Matulongan Dagidiay Tumabuno iti Memorial?”b No mapagsasaritaan ti parapo 5, paidemostra iti apagbiit no kasano ti mangirugi iti panangyadal iti Biblia iti maysa a bisita a timmabuno iti Memorial.
Lawas ti Marso 24
10 min: Lokal a pakaammo. Basaen ti report ti kuenta ken ti panagyaman kadagiti donasion.
15 min: Agsaganakayo a Mangitukon Kadagiti Kabaruan a Magasin. Pagsasaritaan ti tallaong. Kalpasan ti panangdakamatyo iti apagbiit iti linaon ti Abril 1 a Pagwanawanan ken ti Abril nga Agriingkayo! isaludsodyo iti tallaong no ania kadagiti artikulo ti mabalin a paginteresan dagiti tattao iti teritoriayo ken apay. Awisenyo ti tallaong a mangdakamat kadagiti espesipiko a punto kadagiti artikulo a planoda nga itampok. Ania a saludsod ti mabalin a pangirugi iti saritaan? Ania a teksto iti artikulo ti mabalin nga ibasa? Usaren dagiti naisingasing a presentasion a maitutop iti teritoriayo a mangidemostra no kasano nga itukon ti Abril 1 a Pagwanawanan ken ti Abril nga Agriingkayo!
20 min: Iyegtayo ti Naimbag a Damag Maipapan iti Banag a Nasaysayaat. Kalpasan ti introduksion nga awan pay maysa a minuto, ipalawag ti panglakayen ti impormasion a masarakan iti Hulio 1, 2005 a Pagwanawanan, panid 18-19, parapo 10-14. Awisenyo ti tallaong nga agkomento no kasanoda a naliwliwa ken naaddaan iti namnama idi damo a nangngegda ti mensahe maipapan iti Pagarian.
Lawas ti Marso 31
10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Marso.
20 min: Usarenyo a Naimbag ti 2008 Tinawen a Libro. Palawag ken pagsasaritaan ti tallaong. Pagsasaritaan ti “Surat ti Bagi a Manarawidwid,” iti panid 3-5. Awisenyo ti dua wenno tallo nga agibumbunannag a mangisalaysay kadagiti nabasada a kapadasan iti Tinawen a Libro a nangnangruna a nakapabilganda. Mangyurnoskayo a nasaksakbay iti maysa wenno dua nga agkomento maipapan iti eskediulda nga agbasa iti Tinawen a Libro. Ingudoyo babaen ti panangiparegtayo iti amin a basaenda nga interamente ti libro.
15 min: “Panangpabileg iti Maysa ken Maysa Bayat ti Pannakiramanyo iti Ministerio”c
Lawas ti Abril 7
10 min: Lokal a pakaammo.
20 min: Apay Koma nga Itantanmo ti Agpabautisar? Palawag ti panglakayen a naibatay iti Hulio 1, 2006 a Pagwanawanan, panid 29-30, parapo 14-17. Kaumanyo iti apagbiit ti maysa wenno dua nga agibumbunannag a nabautisaran idi agtutuboda pay laeng. Ania ti nangtignay kadakuada a mangaramid iti daytoy a nagpateg nga addang uray no ubbingda pay? Kasano a ti panagpabautisarda ket nakatulong kadakuada nga agmataengan kas Kristiano, nga agserbi a proteksion kadakuada?
15 min: Napadasanyo Kadin ti Direkta a Pamay-an ti Panangitukon iti Panangyadal iti Biblia? Palawag ken pagsasaritaan ti tallaong, a naibatay iti suplemento ti Mayo 2002 a Ti Ministeriotayo iti Pagarian, panid 6. Pagsasaritaan dagiti pagtuladan a presentasion ken no kasano a mabaliwan dagita iti panangirugi iti panangyadal iti Biblia babaen ti libro nga Isursuro ti Biblia. Kalpasanna, paidemostra ti maysa wenno dua a presentasion. Paregtaenyo ti tallaong nga inton sumaganad a lawas, padasenda uray maminsan laeng ti direkta a pamay-an ti panangirugi iti panangyadal iti Biblia babaen ti libro nga Isursuro ti Biblia.
[Dagiti Footnote]
a Limitaran ti introduksion iti awan pay maysa a minuto, sa isaruno ti saludsod-ken-sungbat a panangusig.
b Limitaran ti introduksion iti awan pay maysa a minuto, sa isaruno ti saludsod-ken-sungbat a panangusig.
c Limitaran ti introduksion iti awan pay maysa a minuto, sa isaruno ti saludsod-ken-sungbat a panangusig.