Saludsod
◼ Kasanotayo a masigurado no mangtedtayo iti literatura iti maysa a tao?
Ti kangrunaan nga ikabilangantayo ket no interesado dayta a tao. No pudpudno nga interesado, mabalintayo a paimaan iti dua a magasin, maysa a broshur, libro, wenno dadduma pay a literatura. Aramidentayo daytoy uray no ammotayo a bassit wenno awan ti maidonasionna para iti sangalubongan a trabaho. (Job 34:19; Apoc. 22:17) Iti sabali a bangir, saantayo a mangibati iti napateg a literaturatayo kadagiti saan a mangapresiar iti dayta.—Mat. 7:6.
Ania ti pakakitaan nga interesado ti bumalay? Ti maysa a pakakitaan ket no sidadaan a makisarita. Kas pagarigan, no dumdumngeg bayat nga agsasaotayo, no sungbatanna dagiti saludsodtayo, ken no iyebkasna ti opinionna. Makitatayo met a raraemenna ti Sao ti Dios no surotenna ti panangibasatayo iti maysa a teksto iti Biblia. Masansan a makatulong no saludsodentayo no kayatna a basaen ti itedtayo kenkuana a literatura. Masapul a tingitingen dagiti agibumbunannag no interesado met laeng ti maysa a tao. Kas pagarigan, iti panangasaba iti lansangan, saan a maitutop nga agitedtayo lattan kadagiti magasin, broshur, wenno libro kadagiti amin nga aglabas. No saantayo a masigurado no interesado ti maysa a tao, nasaysayaat no ikkantayo lattan iti handbill wenno tract.
Umasping iti dayta, ti kaadu dagiti literatura nga alaen ti agibumbunannag iti pagalaan iti literatura ket sigun iti kasapulanna iti ministerio, saan nga iti donasion a kabaelanna nga ited. Dagiti donasion ket saan a bayad dagiti literatura no di ket pangsuporta kadagiti amin nga aspeto ti sangalubongan a trabahotayo a panangasaba. Adu man wenno bassit ti makukuartatayo, no la ket ta manangapresiartayo, matignaytayo a mangted a sipaparabur sigun iti kabaelantayo, saan a ti tedteddatayo, a mangsuporta iti interes ti Pagarian. (Mar. 12:41-44; 2 Cor. 9:7) Daytoy met ti mangtignay kadatayo a mangala kadagiti kasapulantayo laeng a literatura, iti kasta, saan a masayang dagiti donasion a nausar para kadagita.
[Blurb iti panid 2]
Masapul a tingitingen dagiti agibumbunannag no interesado met laeng ti maysa a tao