Ti Video a Young People Ask—How Can I Make Real Friends?
Dinisenio ni Jehova dagiti tattao a makilangen ken makigayyem. (Prov. 17:17; 18:1, 24) Tapno makagunggona daytoy a panaggagayyem, masapul a pilientayo a naimbag dagiti gagayyemtayo. (Prov. 13:20) Kalpasan a mabuyayo ti video a Young People Ask—How Can I Make Real Friends?, masungbatanyo kadi dagiti sumaganad a saludsod?
Introduksion:
(1) Ania ti pudno a gayyem?
Dagiti Lapped iti Pannakigayyem:
(2) Kasanotayo a maparmek ti rikna a kasla maipaspasuli? (Fil. 2:4) (3) Apay a masapul a situtuloktayo a mangpasayaat iti kababalintayo, ken siasino ti makatulong kadatayo a mangaramid iti dayta? (2 Cor. 13:11) (4) Kasanotayo a maaddaan iti ad-adu a gagayyem?—2 Cor. 6:13.
Pannakigayyem iti Dios:
(5) Kasanotayo a maaddaan iti nasingsinged a relasion ken ni Jehova, ken apay a makagunggona ti panangikagumaantayo a mangaramid iti dayta? (Sal. 34:8) (6) No pagbalinentayo ni Jehova a kasingedan a gayyemtayo, maaddaantayo iti ania a makagunggona a pannakigayyem kadagiti tattao?
Dagiti Saan a Nasayaat a Gagayyem:
(7) Siasino dagiti saan a nasayaat a kakadua? (1 Cor. 15:33) (8) Kasano a madadael ti espiritualidad ti maysa a tao gapu kadagiti saan a nasayaat a gagayyem?
Maysa a Moderno a Drama:
(9) Ania ti masursurotayo iti salaysay ti Biblia maipapan ken Dina? (Gen. 34:1, 2, 7, 19) (10) Kasano nga inkalintegan ni Tara ti pannakitimpuyogna kadagiti agtutubo a saan a manamati? (11) Kadagiti ania a peggad ti nakairubuan ni Tara gapu kadagiti gagayyemna idiay eskuelaan? (12) Apay a saan a nadlaw dagiti nagannak ni Tara ti peggad a nakairubuanna, ngem kasanoda a nagbalbaliw tapno matulonganda ni Tara a makaungar iti naespirituan? (13) Kasano a nagbalin a pudno a gayyem ni Tara ti maysa a payunir a babai? (14) Ania a napateg a leksion ti nasursuro ni Tara?
Konklusion:
(15) Ania dagiti naadalyo iti daytoy a video? (16) Kasanoyo nga usaren daytoy a video a mangtulong kadagiti sabsabali?
Sapay koma ta pilientayo dagiti gagayyem a tumulong kadatayo a mangtaginayon iti kasayaatan a pannakigayyem—ti pannakigayyem iti Dios!—Sal. 15:1, 4; Isa. 41:8.