Apay a Pumanawtayo a Dagus?

No agtataripnongtayo sakbay ti panangasaba, gagangay laeng a kayattayo ti makiinnestoria kadagiti kakabsat. Nupay kasta, apaman a malpas ti taripnong, masapul a pumanawtayo a dagus a mapan iti teritoria. Naganat ti trabahotayo a panangasaba. (2 Tim. 4:2) Maibus ti panawentayo a para koma iti ministerio no saantayo a pumanaw a dagus. Adu ti gundawaytayo a mangtagiragsak iti makapabileg a pannakilangen kadagiti padatayo nga agibumbunannag bayat a makipagtrabahotayo kadakuada iti ministerio. Ti ipapan a dagus iti teritoriatayo ket pakakitaan a nagagettayo bayat nga agpapaadipentayo ken ni Jehova ken iti Anakna.—Roma 12:11.