Ti “Golden Gate Bridge”​—50 a Tawennan

DADDUMA pagarupenda a dayta ket maysa a nakapuy laeng a ginggined! Ngem saan, dayta ket epekto ti angin agraman ti dagsen ken panaggaraw ti napattapatta a 250,000 a tattao a nangpusek iti tuktok ti “Golden Gate Bridge” iti San Francisco a maipaay iti maika-50 nga anibersariona idi Mayo 24, 1987. Ti sabali pay a 500,000 ti naguurnong kadagiti pagserkan iti rangtay. Dagiti inheniero ti dagdagus a nangpattapatta a ti rangtay mabalin a maawitna ti dagsen.

Addaan iti kaatiddog a 1,280 metros, ti Golden Gate ti kaatiddogan iti lubong a nakabitin a rangtay idi panawen ti pannakaturposna idi 1937. Ti katatayagan a barko iti lubong ti makalasat a sitatalged iti sirok ti naipangato a kalsada a nakabitin iti 19 a grado iti ngatuen ti danum.

Ti nagupgop a 129,000 kilometros a barot ti mangbukel iti dua a kable a nakaibitinan ti rangtay. Tunggal maysa ti 90 centimetros ti diametrona ket 2,330 metros ti kaatiddogna, ket addaan iti napattapatta a pigsa a 91 milion kilogramo.

Gapu iti nagsayaatan a disenio ken agtultuloy a pannakataginayonna, napattapatta a ti rangtay ket agpautto iti 200 a tawtawen.