Di Nakakapati a Bomba ti Kayo

Dagiti bulbulong a nakangatngato iti maysa a kayo kasapulanda ti danum ken sustansia, masansan rinibribo a galon iti maysa nga aldaw. Dagitoy ti masapul a maibomba nga agpangato, ngem kasano?

“Daytoy a di nakapapati a paglaingan a panangibomba ket mangrugi iti uneg ti daga a sadiay dagiti minilmilion a mikroskopiko a bubuok ti ramut ti mangagsep iti danum ken mangtunaw kadagiti mineral,” ilawlawag ti Compressed Air Magazine. “Bayat a mausar ti danum, mapataud ti danum kadagiti bulong isu a mangtignay iti panagpangatoda ket literal a guyodenda ti ad-adu a danum manipud iti daga. Awan ti inaramid-tao a vacuum a bomba ti makaiguyod iti danum iti labes ti 10 metros.” Ngem ti ngay sistema ti panagibomba ti maysa a kayo?

Dayta ket nakaskasdaaw unay ta makuna a kabaelanna, no kasapulan, ti mangipangato iti danum iti maysa a kayo iti agarup tallo a kilometros ti kangatona! Awan duadua nga iti maysa a pakaammo ti maysa a nalatak a managpataud kadagiti bomba awisenna ti atensiontayo iti “nakaskasdaaw a bomba” ti [kayo] a maple ket bigbigenna: “Ditay mabalin a padpadan ti naturalesa iti kinaanus ken iti maaramidan.”