Nasam-it a Taraon Manipud kadagiti Kaykayo

Dagiti North American Indians isuda ti immuna a nangipakita kadagiti puraw a tattao no kasano ti mangaramid iti dayta​—ti pananggun-od kadagiti nasasam-it a taraon manipud kadagiti kaykayo. Dagiti Indians ti nangisuro kadagiti immuna nga Europeo a nagnaed idiay Canada ti arte iti panagaramid iti nasam-it a syrup manipud iti tutot dagiti kaykayo a maple. Ngem idi laeng tawen 1706 a nangrugi ti immuna a pudpudno a rekord iti maple syrup iti Canada ken ti panangpataud iti asukar. Ita daytan ti multimilion a doliar nga industria iti Canada.

Adtoy dagiti dua a nasasam-it a taraon a mabalin a kayatyo a padasen:

MAPLE FUDGE

2 tasa maple syrup

1 tasa gagangay wenno crunchy peanut butter

1 kutsarita vanilla

Ipapudot ti maple syrup agingga iti 234° F. (112° C.) agingga a ti sangkatedted ket maporma a nalukneng a bola no maiyuper iti nalamiis a danum. No apag-anem-emen, inayon ti peanut butter ken ti vanilla. Batilen agingga a napaleten, kalpasanna ibuyat a dagus iti pariok. No nalamiisen, iw-iwaen a kuadrado.

MAPLE PUDDING

2/3 tasa a bagas

Sangapirit a nutmeg

2 itlog, nabatil

1/4 kutsarita nga asin

2/3 tasa maple syrup

1/2 tasa nga awan bukelna a pasas

1 1/2 tasa gatas

Apuyen ti bagas iti agburburek a naasinan a danum agingga a naluknengen; paingsatan a naimbag. Ilaok ti itlog ken ti maple syrup ket kiwaren a naimbag. Ilaok nga ikiwar ti gatas, nutmeg, ken asin, kalpasanna ti inapoy ken ti pasas. Ikabil dagiti ramen iti naikkan iti mantikilia a kaserola, ket iyurno, 350° F. (177° C.), agingga a maluto (60-70 minutos). Mabalin a 6 agingga iti 8 a dasar.

[Ladawan iti panid 25]

Malaksid iti naimas a ramanna, ti maple syrup ket nabaknang iti karbohidrato ket naglaon kadagiti makagunggona a mineral ken calcium, phosphorus, iron, ken potassium

[Credit Line]

U.S. Department of Agriculture