Manipud Managbasatayo
Napalabas a Limapulo a Tawen Kabasbasak dagiti serye ti “1945-1995—Aniat’ Nasursurotayo?” (Setiembre 8, 1995) Naabbukay ti riknak iti panangiramanyo kadagidiay amin a detalye ti historia iti kasta a limitado nga espasio. Adut’ nasursurok; daytat’ nasaysayaat a basaen ngem iti maysa a libro ti historia.
M. V., Pilipinas
Panagkararag Awan trabahok ket as-asikasuek ti iyaakarko iti maysa a baro a pagtaengan. Talaga a madanaganak idi—agingga a nabasak ti artikulo a “Ti Panangmatmat iti Biblia: Ti Pasetyo Kadagiti Kararagyo.” (Setiembre 8, 1995) Pagyamanan iti panangipablaakyo itoy nga artikulo. Aramidekto ti kabaelak a mangpaneknek a magagaranak a masungbatan dagiti kararagko babaen ti panagbiagko a maitunos kadakuada.
D. C., United States
Panagsugal Nabiit pay nga inkararagko ti maysa nga artikulo maipapan iti panagsugal, bayat nga agkasapulan unay dagiti kabagiak iti tulong itoy a benneg. Dandanidan mabangkarote. Inanamaek a makatulongto kadakuada dagiti serye ti “Panasugal—Kumarkaro a Pakaigameran.” (Setiembre 22, 1995) Nakarot’ sagsagabaenda gaput’ pannakaigamerda. Nairuamkami idi a sangapamiliaan nga agay-ayam iti poker iti 6 agingga iti 12 nga oras! Maragsakanak nga adda itan ni Jehova iti biagko.
L. D., United States
Inladawanyo ti 20 a tawen a pannakiasawak iti lalaki a naigamer iti panagsugal. Nakaawatak iti adu unay a pammaregta manipud kadagiti magasin iti napalabas, ngem ita, nakaawatak iti banag nga il-iliwekon iti 20 a tawen!
F. E., Japan
Self-Defense Inapresiarko unay ti artikulo nga “Agimtuod Dagiti Agtutubo . . . Rumbeng Kadi nga Adalek ti ‘Self-Defense’?” (Setiembre 22, 1995) Ditoy Ukraine, maysa la a ruar ti Agriingkayo! ti maawatmi iti kada bulan, ket saan a nairaman ti “Agimtuod Dagiti Agtutubo.” Tangay Ingles ti basbasaek, nabasak ti artikulo. Tinulongannak a mangammo iti panangmatmat ti Dios.
V. L., Ukraine
Agtawenak iti 12, ket kayatko ti agyaman kadakayo kadagiti artikulo nga ipabpablaakyo. Nasarakak a partikular a makatulong ti artikulo maipapan iti self-defense. Tinulongannak tapno ad-adda a maawatak no kasanot’ panagtignayko no irurumendak dagiti kaeskuelaak.
D. C., Italia
Eskuelaan Dagiti Africano Maysaak nga Akan a nagunggonaan manipud iti tradisional nga eskuelaan dagiti Africano ken taga Laud, ket tinagiragsakko ti artikuloyo a “Ti Eskuelaan Dagiti Africano—Aniat’ Insurona?” (Setiembre 22, 1995) Naabbukay ti riknak iti panagraem ken dignidad nga impaayyo iti eskuelaan dagiti Africano. Adda dagidiay mangipagarup a lalaisen ti relihionyo ti tradision dagiti Africano. Pinagminar daytoy nga artikulo a saan a kastoy ti kasasaad.
S. N., Ghana
Pakasaritaan ti Biag Pagyamanan unay iti panangipablaakyo iti pakasaritaan ni Karen Malone a “Ti Napaut a Narigat a Pannakidangadangko a Mangsapul iti Pudno a Pammati.” (Setiembre 22, 1995) Pinagluana dagiti matak iti rag-o.
J. S., Czech Republic
Siak ti inaunaan nga anak iti pamiliak. Saanak idi a naragsak agsipud ta diak maaddaan kadagiti banag a kayatko. No dadduma awan umdas a kuartami nga igatang iti taraon. Ngem gapu ken ni Karen, maamirisko itan a ti panagserbimi iti Dios ti napatpateg ngem kadagiti material a banag.
T. T., Greece
Namimpaten a nabasak ti artikulo, ket kadarato agarubos dagiti luak. Maawatak ti determinasionna nga agserbi ken ni Jehova agpapan pay iti panangbusor ken panangparigat ti pamiliana. Inanamaek nga iti mabiit, mangrugiakton nga agserbi a kas regular pioneer, maysa nga amin-tiempo a managebanghelio, ket talaga a pinabilegnak daytoy nga artikulo.
D. F., Australia