Ti Panangpaimeng Kissayanna ti Risgo ti Pannakaimpeksion
KANAYON A RUMSUA TI RISGO A MAIMPEKSION ti sugat kalpasan ti operasion. Nupay kasta, “makissayan iti nasurok nga 60 a porsiento ti risgo a maimpeksion dagiti pasiente no mapaimenganda sakbay a maoperada,” kuna ti The Times ti London.
Dagiti managsukisok idiay University Hospital ti North Tees, England, biningayda iti tallo a grupo ti nasurok nga 400 a pasiente nga asidegen a maopera ti susoda, dadakkel nga urat iti gurongda, wenno luslosda. Saan a napaimengan ti maysa a grupo. Napaimengan ti limitado a paset ti bagi wenno ti intero a bagi ti dua a grupo iti di kumurang a maysa nga oras sakbay a naoperada. Ania ti nagbanaganna?
Kalpasan ti operasion, 5 laeng a porsiento kadagiti napaimengan a pasiente ti naimpeksion dagiti sugatda, no idilig iti 14 a porsiento kadagiti saan a napaimengan. Makapainteres ta napaneknekanen nga epektibo ti panangpaimeng tapno makissayan ti kaadu dagiti maimpeksion a pasiente a maopera ti bagis wenno kimmotda.