Nadisenio Kadi?

Ti Gurong ti Agila ti Taaw

◼Saan a kumter ti agila ti taaw uray no sakasaka a sitatakder iti kaniebian. Kasano a tagtaginayonen daytoy a parsua ti bara iti bagina? Karaman iti pamay-anna ket ti maaw-awagan a countercurrent heat exchanger.

Usigem: Ti countercurrent heat exchanger ket buklen ti dua nga agabay a tubo, a ti maysa ket pagay-ayusan ti nabara a pluido bayat a ti kaabayna ket pagay-ayusan ti nalamiis a pluido. No agpada a direksion ti pagayusan dagiti pluido, kaaduanna a kagudua laeng iti bara ti mayallatiw. Ngem no agduma ti direksionda, dandani 100 a porsiento iti bara ti mayallatiw.

Dagiti heat exchanger kadagiti gurong ti agila ti taaw palamiisenda unay ti dara bayat ti panagayus dayta kadagiti saka sada pabaraen manen bayat ti panagpangato dayta. No maipapan kadagiti tumatayab nga agnanaed iti nalam-ek a luglugar, kastoy ti insurat ni Gary Ritchison, maysa nga eksperto kadagiti tumatayab: “Kasta unay ti kinaepektibo ken kinasayaat ti prinsipio ti countercurrent heat exchange isu a tultuladen dayta dagiti inheniero kadagiti proyektoda tapno awan ti masayang nga enerhia.”

Ania ti makunam? Naiparna laeng kadi a timmaud ti sistema a countercurrent heat exchange kadagiti gurong ti agila ti taaw? Wenno nadisenio dayta?a

[Footnote]

[Diagram/Dagiti Ladawan iti panid 25]

(Para iti aktual a pannakaurnosna, kitaem ti publikasion)

Dagiti heat exchanger kadagiti gurong ti agila ti taaw pabaraenda ti agpangato a dara

[Diagram]

32°C

0-5°C

[Picture Credit Line iti panid 25]

Seagull: © Michael S. Nolan/​age fotostock