Nadisenio Kadi?

Ti Bacterial Flagellum

● Uray no kitaem iti napigsa a mikroskopio, nakabasbassit daytoy ken kasla awan patpategna. Mayarig dayta iti napigsa a motor a maisalpak iti lantsa wenno bilog. Ania ti bacterial flagellum?

Nadumaduma ti kita dagiti flagellum, ngem ti bacterial flagellum (“latigo” iti Latin) ti kangrunaan a maad-adal. Tangay naikapet dayta iti pannakadiding ti selula ti bakteria, agpusipos ti flagellum isu a makaabante, makasardeng, makaatras, ken mabaliwanna ti direksionna. Mapattapatta a 50% ti amin a naammuanen a bakteria ket addaan iti nadumaduma a kita ti flagellum.

Ti DNA iti bakteria wenno iti nagbabassit nga organismo ket aglaon iti instruksion wenno disenio ti flagellum ken ti pannaka-propeller-na a mangiduron iti bagina. Ti flagellum ket buklen ti agarup 40 a protina nga umasping kadagiti piesa ti motor. Nakaskasdaaw ta sangalenna ti bagina iti 20 la a minuto!

Kuna ti publikasion a The Evolution Controversy: “Ti bacterial flagellum ket addaan iti agtayyek a motor nga agpusipos iti 6,000-17,000 a rikus kada minuto. Ti ad-adda pay a nakaskasdaaw, apagdarikmat a makapagbaliw iti direksion sa agpusipos manen iti 17,000 a rikus kada minuto.” Ti magasin a New Scientist awaganna ti bacterial flagellum kas “ti kangrunaan a pagarigan ti komplikado a sistema ti molekula—narikut ken bassiusit a makina a di kabaelan nga aramiden ti asinoman a tao nga inheniero.”

Agsiddaaw dagiti sientipiko ta ti nakabasbassit a bacterial flagellum sangalenna ti bagina iti eksakto nga urnos tapno siuumiso nga agplastar ken agandar ti 40 a pasetna.

Ania ti makunam? Naiparna la kadi ti bacterial flagellum, wenno nadisenio dayta?

[Diagram/Ladawan iti panid 24]

(Para iti aktual a pannakaurnosna, kitaem ti publikasion)

Rotor

Bushing

Universal joint

Propeller

Dagiti flagellum

[Ladawan]

Napadakkel a ladawan ti bakteria

[Credit Lines]

Bassit a ladawan ti bakteria: © Scientifica/Visuals Unlimited, Inc.; diagrama ti flagellum: Ladawan nga impaay ti www.arn.org