AHITUB

[Ti Kabsatko ket Kinaimbag].

1. Kaputotan ni Itamar nga anak ni Aaron; anak ni Finehas ken apoko ni Nangato a Padi nga Eli. (1Sm 14:3; 1Cr 24:3) Kalpasan ti ipapatay ti amana ken ti apongna iti maymaysa nga aldaw, mabalin a nagakem ni Ahitub kas nangato a padi. (1Sm 4:17, 18) Ti anakna, ni Nangato a Padi nga Ahimelec, ket napapatay iti panagbilin ni Saul.​—1Sm 22:9-20.

2. Anak ni Amarias a kaputotan ti anak ni Aaron a ni Eleazar. (1Cr 6:3-8) Awan ti mangipasimudaag a nagakem kas nangato a padi; daytoy a saad ket adda iti linia ni Itamar iti daydi a tiempo. Ni Sadok nga anak ni Ahitub ket nagserbi kas katulongan a padi, saan a kas nangato a padi, bayat ti panagturay ni David. Idi agangay, naituding a sumukat ken Abiatar kas nangato a padi bayat ti panagturay ni Solomon.​—2Sm 8:17; 1Cr 18:16; 1Ar 1:8; 2:27.

3. Sabali pay a padi a nagtaud ken Ahitub Num. 2. Iti listaan ti kapuonan, naipasngat ti awag kenkuana a “maysa a panguluen ti balay ti pudno a Dios.” (1Cr 9:11; Ne 11:11) Amarias met ti nagan ti amana, ket iti 1 Cronicas 9:11 ken Nehemias 11:11 agparang nga anakna ni Meraiot ken apokona ni Sadok.​—1Cr 6:11, 12; Esd 7:2.