MERAIOT

[mabalin a, Dagidiay Rebelioso].

1. Maysa a napadian a kaputotan ni Aaron babaen ken Eleazar; naawagan “anak ni Zerahias.”​—1Cr 6:3-7, 52; Esd 7:3, 4.

2. Padi a nayam-ammo kas “anak ni Ahitub, maysa a panguluen ti balay ti pudno a Dios” ken agparang nga isu ti ama ni Sadok.​—1Cr 9:10, 11; Ne 11:11.

3. Nagtaudan ti maysa a napadian a sangakabbalayan iti dasig ti amma, a ti pannakaulo dayta isu ni Helcai idi kaaldawan ni Joiaquim. (Ne 12:12, 15) Ti “Meraiot,” a nagan daytoy a balay kalpasan ti panagsubli dagiti Judio manipud pannakaidestiero idiay Babilonia, ket mabalin a sabali a porma ti “Meremot,” ti nagan ti maysa kadagiti papadi a kimmuyog ken Zorobabel a napan idiay Jerusalem idi 537 K.K.P.​—Ne 12:1, 3.