AMINADAB

[Ti Ilik ket Madadaan (Natan-ok; Naparabur)].

1. Anak ni Ram a kameng ti pamilia ni Hezron, iti tribu ni Juda. (1Cr 2:10) Ti anakna a ni Naason ket panguluen ti Juda bayat ti panagdaliasat idiay let-ang (Nu 1:7; 7:11, 12); ti anakna a ni Eliseba ti nagbalin nga asawa ni Aaron. (Ex 6:23) Ni Aminadab ket inapo ni Ari David ken ni Kristo Jesus.​—Ru 4:19-22; Mt 1:4-16; Lu 3:23-33.

2. Nalabit sabali pay a nagan ni Izar, anak ni Cohat ken ama ni Kore. (1Cr 6:22; idiligyo ti bersikulo 2, 18, 37, 38; Ex 6:18, 21; Nu 3:19, 27.) Ti sumagmamano a kopia ti Griego a Septuagint ilanadda ti “Izar” imbes nga “Aminadab” iti 1 Cronicas 6:22 (6:7, LXX).

3. Maysa a Levita, manipud annak ni Uzziel; ulo ti pamilia idi tiempo ni David. Timmulong iti pannakaipan ti lakasa ti tulag idiay Jerusalem.​—1Cr 15:10-12.