IZAR

Iti Hebreo dua a nagan daytoy nga agkaasping ti ispelingda iti Hebreo, ngem naipatarus iti maymaysa a nagan iti Iloko.

1. Yits·harʹ. Ti maikadua a nailista kadagiti uppat nga annak ni Cohat; no kasta isu ti apoko ni Levi. (Ex 6:16, 18; Nu 3:17, 19; 1Cr 6:2, 18) Ti maysa kadagiti tallo nga annak ni Izar a ni Kore ket napapatay idiay let-ang gapu ta nagrebelde.​—Ex 6:21; Nu 16:1, 32.

Ni Izar ti nagtaudan ti pamilia dagiti Izarita a Levita. (Nu 3:27) Bayat ti panagturay ni Ari David, adda dagiti Izarita a nadutokan kas kumakanta, opisial, ken uk-ukom, a ni Selomit ti nagbalin a pannakauloda, idinto ta dadduma kadakuada ti naituding kadagiti regular nga annongen dagiti Levita.​—1Cr 6:31-38; 23:12, 18; 24:20-22; 26:23, 29; kitaenyo ti AMINADAB Num. 2.

2. Yits·charʹ (maitunos iti Vg). Kaputotan ni Juda; anak da Asur ken Hela. (1Cr 4:1, 5, 7) Iti marhin ti Masoretiko a teksto, ti ispeling dayta a nagan ket Zohar.