COHAT

Ti maikadua a nainaganan kadagiti tallo nga annak ni Levi (Ge 46:11; Ex 6:16; 1Cr 6:1) ken ama da Amram, Izar, Hebron, ken Uzziel. (Ex 6:18; Nu 3:19; 1Cr 6:2) Isu ti nagtaudan dagiti Cohatita, maysa kadagiti tallo a kangrunaan a benneg dagiti Levita. (Nu 3:17, 27) Nalabit nayanak idiay daga ti Canaan ken nailista kas maysa kadagiti 66 a kararua nga “immay ken Jacob iti Egipto.” (Ge 46:8, 11, 26; nupay kasta, kitaenyo ti BENJAMIN Num. 1.) Karaman kadagiti kaputotan ni Cohat isu da Moises, Aaron, Miriam (Ex 6:18, 20; Nu 26:58, 59), ken ti rebelioso a ni Kore. (Nu 16:1-3) Nagbiag ni Cohat iti 133 a tawen.​—Ex 6:18.