APOLONIA

[Ken (Kukua ni) Apollo; Disso ni Apollo].

Maysa a siudad ti Macedonia a naipasurot ti naganna ken Apollo a dios-init dagiti Griego, a kas iti adu a sabsabali pay a siudad iti lugar ti Mediteraneo. Adda dayta iti distrito ti Mygdonia agarup 35 km (22 mi) manipud Amfipolis ken 45 km (28 mi) manipud Tesalonica, wenno agarup maysa nga aldaw a panagdaliasat manipud aniaman kadagita a lugar. Adda dayta iti dakkel a kangrunaan a kalsada ti Roma a Via Egnatia, iti abagatan ti Danaw Bolbe, ngem saan a naglatak iti historia. Limmasat dita da Pablo ken Silas iti maikadua a panagdaliasat ni Pablo kas misionero, nalabit iti primavera wenno nasapa a paset ti kalgaw ti tawen 50 K.P.​—Ara 17:1.