KOMPAS

Instrumento nga us-usaren ti allawagi wenno sabali pay a nasigo a managobra tapno maimarkana wenno maikur-itna ti maysa a sirkulo wenno arko iti rabaw ti kayo wenno iti dadduma pay a material. Iti Biblia, masarakan ti kakaisuna a pannakatukoy ti kompas iti Isaias 44:13. Sadiay, ti idolatroso a managkitikit iti kayo naikuna nga agaramat iti pagrukod a parteng, nalabaga a tisa, ken paet ti kayo tapno sukogenna ti maysa nga idolo. Ket, “babaen ti kompas paspasurotanna [nabatad a tapno siguraduenna nga umiso ti rukod dayta], ket in-inut nga aramidenna a kas iti ladawan ti maysa a tao, kas iti kinalibnos ti tattao, tapno agsaad iti balay.” Ti Hebreo a sao maipaay iti “kompas” (mechu·ghahʹ) ket nainaig iti chugh (sirkulo).​—Pr 8:27; Isa 40:22.