ELEALE

Maysa a lugar a kanayon a nadakamat a kadua ti Hesbon ken masarakan iti pagpastoran nga away iti daya ti Jordan. Daytoy a siudad ket “binangon” (wenno binangon manen) ti tribu ni Ruben di nagbayag kalpasan ti pannakaparmek dayta. (Nu 32:3-5, 37) Kalpasan ti adu a siglo, idi iturturayan dayta ti Moab, impadto da Isaias ken Jeremias a naikeddeng nga ‘umkis’ ti Eleale gapu iti pannakarpuog dayta a nasion. (Isa 15:4; 16:9; Jer 48:34) Kadawyan a maikunkuna nga adda dayta iti maysa a turod idiay el-ʽAl, agarup 3 km (2 mi) iti amianan a daya ti Hesbon.