EFAI

[Agtaytayab a Parsua].

Maysa a Netofatita (Jer 40:8) iti tribu ni Juda (1Cr 2:50-54) a ti annakna ket karaman kadagiti panguluen dagiti puersa militar a saan a naidestiero idiay Babilonia idi 607 K.K.P. Ti annak ni Efai ken ti dadduma pay a panguluen dagiti puersa militar ken dagiti lallakida immayda ken Gedalias idiay Mizpa ket, kas sungbat, insapatana kadakuada nga aglak-amda iti naimbag. (Jer 40:7-9) Nalabit pinapatay ni Ismael ti annak ni Efai idi pinatayna ni Gedalias.​—Jer 41:3.