JAFIA

[1, 2: [Ti Dios] Agsilnag Koma; [Ti Dios] Nagsilnag]

1. Ti ari ti Laquis a nangikappon iti puersana iti uppat a sabsabali pay nga Amoreo nga ar-ari tapno dusaenda ti Gabaon gapu iti pannakikappiana iti Israel. (Jos 10:3-5) Nagpatulong ti Gabaon isu a dimteng a mangispal ti buyot ni Josue manipud Gilgal. Idi madaman ti panagbabakal, kinulong dagiti Israelita ni Jafia ken ti kaaliansana nga ar-ari iti maysa a rukib idiay Makkeda. Idi agangay, napapatay ni Jafia ken ti dadduma pay sa naibitin dagiti bangkayda kadagiti kayo agingga iti ilelennek ti init, kalpasanna naibellengda iti uneg ti rukib a nagkamanganda.​—Jos 10:6-27.

2. Anak ni David a naipasngay idiay Jerusalem.​—2Sm 5:14, 15; 1Cr 3:7; 14:6.

3. Maysa a lugar a beddeng ti Zabulon. (Jos 19:10, 12) Naikuna nga isu dayta ti agdama a Yafa (Yafia), nakurang a 3 km (2 mi) iti abagatan a laud ti Nazaret.