MIJO

[Heb., doʹchan].

Ti kaaduan tarusanda ti Hebreo a sao a doʹchan kas tumukoy iti gagangay a mijo (Panicum miliaceum), no saan ket a karaman pay ti dadduma a nainaig wenno umasping a ruot a kas iti bukakaw. Ti kadawyan a mijo ket mailasin babaen kadagiti akaba a bulongna ken iti bukbukelna a nagraraay wenno nagririmmuok nga addaan kadagiti naseggar a muldot. Dagiti ungkay ti mula gagangay a maipakpakan kadagiti dinguen, ket idiay Makintengnga a Daya, ti babassit a bukbukelna, a nakaad-adu iti tunggal raay, maus-usar pay laeng iti panagaramid iti tinapay, kadawyanna a mailaok iti dadduma pay a bukbukel. (Eze 4:9) Iti Isaias 28:25, ti Hebreo a termino a soh·rahʹ mabalin a tumukoy met iti mijo.