NISROC

Maysa a didiosen a nagdaydayawan ni Senaquerib nga ari ti Asiria. Idiay templo ni Nisroc, pinapatay da Adramelec ken Sarezer ti amada a ni Senaquerib. (2Ar 19:36, 37; Isa 37:38) Isingasing ti sumagmamano nga eskolar a ni Nisroc isu met laeng ti dios-apuy a ni Nusku a naipagarup a tumultulong iti pannakaparmek dagiti kabusor bayat ti gubat ken agserserbi kas mensahero ti didios ken kas manangipakat iti hustisia. Nupay kasta, saan itan a posible ti pananginaig ken Nisroc iti maysa a pagaammo a didiosen ti Asiria.