SAREZER

1. Anak ti Asirio nga Ari Senaquerib. Kalpasan a pinarmek ni Jehova ti ama ni Sarezer, isu ken ti kabsatna a ni Adramelec pinatayda ni amada babaen ti kampilan bayat nga agrukruknoy iti idolo a diosna, a kalpasan dayta nagkamangda iti daga ti Ararat. (2Ar 19:7, 35-37; Isa 37:38) Ni Esar-haddon a kabsatda ti simmuno ken Senaquerib. Iti maysa a kitikit, dinakamat ni Esar-haddon a kinamatna dagiti nangpapatay ken amana.​—Kitaenyo ti ESAR-HADDON.

2. Ti kaunaan a nainaganan kadagiti dua a pannakabagi ti Bethel kalpasan ti pannakaidestiero. Agarup dua a tawen sakbay a nairingpas ti pannakaibangon manen ti templo, naibaonda tapno “paluknengenda ti rupa ni Jehova” ken imtuodenda no maikanatad ti agayunar.​—Zac 7:1-3; Esd 6:15.