OHOLA

[Ti Toldana [a Pagdaydayawan]].

Ti Ezequiel kapitulo 23 deskribirenna ti Samaria (a mangirepresentar iti sangapulo-tribu a pagarian ti Israel) kas ti balangkantis a ni Ohola, ti in-inauna a kabsat a babai ni Oholiba, a mangirepresentar iti Jerusalem (ti pagarian ti Juda). Ti panangipasdek ti sangapulo-tribu a pagarian kadagiti bukodna a sentro ti panagdaydayaw mabalin nga isu ti tuktukoyen ti nagan nga Ohola, “Ti Toldana [a Pagdaydayawan].” Ti naespirituan a panagbalangkantisna nangrugi idiay Egipto ken nagtultuloy iti Naikari a Daga. Kadagiti naud-udi a tiempo, ramanen dayta ti pananggun-odna iti pabor dagiti Asirio ken pannakiraman kadagiti nakadakdakes nga idolatroso nga aramid, agraman ti panagisakripisio iti ubing. Gapu iti di kinamatalek ni Ohola (ti makin-amianan a pagarian) iti Dios, isu inyawat ni Jehova iti im-ima dagiti Asirio a kaayan-ayatna.