PAROS

[Timel].

Nagtaudan ti maysa a pamilia iti Israel. Ti 2,172 kadagiti kaputotanna ket nagsubli a kadua ni Zorobabel idiay Jerusalem idi 537 K.K.P. (Esd 2:1-3; Ne 7:8) Iti tiempo a dimteng ni Esdras idi 468 K.K.P., a naikuyog kenkuana ti 150 nga “annak ni Paros” nga indauluan ni Zacarias, ti sumagmamano a kameng ti pamiliada nga addan idiay Jerusalem ket nangala iti ganggannaet nga assawa a babbai, ngem pinagtalawda dagita idi agangay. (Esd 8:1, 3; 10:25, 44) Ni Pedaias, a kameng dayta a pamilia, tinarimaanna ti maysa a benneg ti pader ti Jerusalem. (Ne 3:25) Ti pannakaulo ti pamilia a Paros ket maysa kadagiti nangpatalged iti tulag idi agangay, nga immanamong a mangsalimetmet iti Linteg ni Jehova.​—Ne 9:38; 10:1, 14.