SULAMITA

Nayawag iti napintas a balasang ti away nga isu ti kangrunaan a natukoy iti Kanta ni Solomon (6:13). Nalabit ipakita daytoy a titulo nga isu ket naggapu iti siudad ti Sunem (agdama a Sulam). (Idiligyo ti 1Ar 1:3.) Daytoy a panangmatmat ket pasingkedan met ti panangawag ti Griego a Septuagint (Vatican Manuscript No. 1209) iti daytoy a balasang iti “Sunamita.” Ti eklesiastiko a mannurat a ni Eusebius tinukoyna met ti Sunem kas Sulem.​—Onomasticon, 158, 11.