SUNEM

Maysa a siudad iti teritoria ti Isacar (Jos 19:17, 18) ken asideg laeng manipud Jezrael ken Bantay Gilboa. (1Sm 28:4) Maikunkuna a ti Sunem ket isu ti agdama a Sulam (Sunem), nga adda iti abagatan a laud a darisdis ti Jebel Dahi (Givʽat Ha-More) ken matannawagan ti Nababa a Tanap ti Jezrael. Daytoy a lugar ket agarup 5 km (3 mi) iti amianan ti nagpanawan a purok ti Zerʽin (Tel Yizreʽel) ken agarup 8 km (5 mi) iti amianan ti makinlaud nga ungto ti Bantay Gilboa.

Idiay Sunem ti nagpakarsuan dagiti Filisteo sakbay ti gubat a nakaigapuan ti ipapatay ni Ari Saul. (1Sm 28:4) Taga Sunem ti napintas a ni Abisag (“Sunamita”) a nangtaripato ken Ari David idi lakayen (1Ar 1:3, 4). Idi agangay, masansan a nagdagus ni mammadto Eliseo iti pagtaengan ti maysa a manangsangaili nga agassawa idiay Sunem.​—2Ar 4:8.