TATENAI

Ti gobernador iti Persiano a probinsia iti “labes ti Karayan” bayat ti panagturay ni Dario I (Histaspis). Idi rugian manen dagiti Judio a bangonen ti templo idi maikadua a tawen ni Dario (520 K.K.P.), napan ni Tatenai ken ti kakaduana idiay Jerusalem tapno agimbestigarda. Dinakamat dagiti Judio ti orihinal a bilin ni Ciro, iti kasta nagsurat ni Tatenai ken Dario nga im-imtuodenna no pudno nga adda kasta a bilin a nayetnag, kas iruprupir dagiti Judio. Ti naawat a sungbat ket nangpatalged iti bilin ni Ciro ken ti kinalegal ti trabaho iti templo, ket napakdaaran ni Tatenai a saan a makibiang no di ket mangipaay iti material a tulong kadagiti Judio. Inaramid met daytoy ni Tatenai.​—Esd 4:24–6:13.