TIRZA

[nagtaud iti sao a kaipapananna ti “pagragsakan; anamongan”].

1. Maysa kadagiti lima nga annak a babbai ti Manasesita a ni Zelofehad; kapanawenan da Moises ken Josue.​—Nu 26:29, 33; 27:1-7; 36:11, 12; Jos 17:3, 4.

2. Maysa a siudad idiay Samaria. Sigun iti ebidensia ti arkeolohia, agparang nga isu dayta ti Tell el-Farʽah, agarup 10 km (6 mi) iti amianan nga amianan-a-daya ti Siquem.

Iti panangidaulo ni Josue, pinarmek dagiti Israelita ti ari ti Tirza. (Jos 12:7, 24) Sinigsiglo kalpasanna, ni Jeroboam nga umuna nga ari iti makin-amianan a pagarian inyakarna idiay Tirza ti pagtaenganna. (Idiligyo ti 1Ar 12:25; 14:17.) Nabatad a nagtultuloy ti Tirza kas kabesera ti makin-amianan a pagarian bayat dagiti panagturay ti anak ni Jeroboam a ni Nadab (1Ar 15:25-28) ken dagiti sunona a da Baasa, Elah, ken Zimri. (1Ar 15:33; 16:5, 6, 8, 15) Ti kaudian kadagitoy nga ar-ari, ni Zimri, ket nagpakamatay idiay Tirza idi kinautibo ni Omri dayta a siudad. (1Ar 16:17-20) Kalpasan ti panagturayna idiay Tirza iti innem a tawen, binangon ni Omri ti siudad ti Samaria ket pinagbalinna dayta kas kabeserana. (1Ar 16:23, 24, 29) Nasurok a 150 a tawen kalpasanna, ni Menahem nga agtataeng idiay Tirza pinapatayna ni Sallum ket nagbalin nga ari idiay Samaria.​—2Ar 15:14, 17.