TOGARMA

1. Maysa nga anak ni Gomer nga anak ni Jafet, ngarud apoko ni Noe iti tumeng.​—Ge 10:1-3; 1Cr 1:4-6.

2. Dagiti kaputotan ti anak ni Gomer a ni Togarma ken ti rehion a nagnaedanda. Iti dung-aw ni mammadto Ezequiel maipapan iti Tiro, nadakamat ti Togarma kas pagtaudan “dagiti kabalio ken kabkabalio a pakigubat ken dagiti mulo,” nga insukat ti Tiro iti sumagmamano a tagilako. (Eze 27:2, 14) Kasta met, dinakamatna ti Togarma maysa kadagiti kaaliansa ni Gog ti Magog ken kinunana a karaman daytoy kadagiti ili “iti kaadaywan a paspaset ti amianan.”​—Eze 38:6.

Adu a komentarista ti mangibaga a ti Togarma ket isu dagiti Armeniano. Bigbigen met a mismo dagiti Armeniano sigun iti nabayagen a patpatienda a nagtaudda ken “Haik, anak ni Thorgom.” Kunaen dagiti nagkauna a Griego a mannurat a dagiti Armeniano ket nagdindinamag gapu kadagiti kabalio ken muloda.