URIEL

[Ti Dios ket Silaw].

1. Maysa a Levita a kaputotan ni Cohat; anak ni Tahat.​—1Cr 6:22, 24.

2. Panguluen dagiti Cohatita idi tiempo nga imbilin ni David a maipan ti lakasa ti tulag idiay Jerusalem.​—1Cr 15:5, 11, 12, 15.

3. Ama ni Mikaias (Maaca), nga asawa ni Ari Rehoboam ken ina ni Abias. (2Cr 13:1, 2; 11:21) Ni Maaca ket apoko ni Absalom. Yantangay ti tallo nga annak a lallaki ni Absalom ket natay idi ubbingda pay ken awananda iti annak (2Sm 14:27; 18:18), nalabit ni Mikaias ket anak ni Tamar (ti anak a babai ni Absalom) ken Uriel, saan nga anak ni Absalom, no di ket manugangna a lalaki.