UZZA

[mabalin a napaababa a porma ti Uzzias, kaipapananna “Ti Pigsak Isu ni Jehova”].

1. Maysa a Benjamita.​—1Cr 8:1, 7.

2. Nagan a nainaig iti maysa a minuyongan. Dagiti ari a da Manases ken Amon ti Juda ket naitabon iti minuyongan ni Uzza imbes a kadagiti gagangay a naarian a lugar a pagitabonan. (2Ar 21:18, 23, 26) Nupay kasta, ni Uzza wenno uray ti minuyongan ket saan a pagaammo. Yantangay adda dagiti tattao a naitabon sadiay, saan a mabalin nga adda daytoy iti arubayan ti templo, ken yantangay ti naarian a palasio ket dumna iti templo, ti “balay” ni Manases iti minuyongan ni Uzza ket mabalin a maysa a pagtaengan no kalgaw.

3. Pannakaulo ti maysa a pamilia dagiti Netineo, a ti dadduma kadakuada ket nagsubli idiay Jerusalem a kadua ni Zorobabel idi 537 K.K.P.​—Esd 2:1, 2, 43, 49; Ne 7:51.