ZEREDA

1. Ti ili ni Jeroboam, umuna nga ari ti makin-amianan a pagarian ti Israel. (1Ar 11:26) Ti laeng nadakamat maipapan iti dayta ket ti sasao a: “Ket adda idi ni Jeroboam nga anak ni Nebat nga Efraimita manipud Zereda.” Kadawyan a maikunkuna nga isu ti Deir Ghassana (iti rehion ti Efraim). Nataginayon ti nagan ti Zereda iti asideg nga ubbog a naawagan ʽAin Seridah. Daytoy a lugar ket agarup 25 km (16 mi) iti abagatan a laud ti Siquem.

2. Natukoy ti Zereda iti “Distrito ti Jordan” mainaig iti pannakasukog dagiti alikamen a gambang maipaay iti templo nga imbangon ni Solomon. (2Cr 4:17) Ipasimudaag ti kapadana a teksto iti 1 Ar-ari 7:46 nga isu met laeng daytoy ti lugar a Zaretan. Mabalin a ti Zereda ket sabali pay a porma ti nagan a Zaretan.​—Kitaenyo ti ZARETAN.