ZERERA

Kunaen ti salaysay a bayat a kamkamaten ti buyot ni Gideon dagiti naabak a Midianita, nagtataray dagitoy “agingga iti Bet-sitta, nagtultuloy nga agturong iti Zerera, agingga iti wayaway ti Abel-mehola iti sibay ti Tabbat.”​—Uk 7:22.

Iti duapulo a Hebreo a manuskrito, ti mabasa ditoy ket “Zereda” imbes a Zerera. Yantangay iti 2 Cronicas 4:17 ken 1 Ar-ari 7:46, agpada a nausar ti Zereda ken Zaretan, kunaen ti dadduma a ti Zerera ket isu met laeng ti Zaretan.​—Kitaenyo ti ZARETAN.

Nupay kasta, posible laeng daytoy no ti sasao nga “iti Zerera” ket tarusan a kaipapananna ti ‘iti turong ti Zerera,’ yantangay kasla adda ti Zaretan iti abagatan ti Abel-mehola. No saan a kasta, maikuna ngarud nga adda ti Zerera iti nagbaetan ti Bet-sitta ken Abel-mehola; iti kasta a kaso saan nga ammo ti eksakto nga ayanna.