“Madadaelto Kadi Daytoy Daga Gapu iti Aramid Dagiti Tattao?”

● No addaka iti law-ang, kasla asul ken puraw a saniata ti planeta a Daga. Ngem no sukimatem a naimbag, makitam nga agpegpeggad gayam daytoy a pagnanaedantayo. Apay? Simple laeng ti sungbat: Saan a nasayaat ti panangaywan dagiti tattao iti daga. Literal a daddadaelenda dayta babaen iti polusion, panangkalbo kadagiti kabakiran, ken panangabuso iti dayta. Babaen iti kinaranggas, panangpapatay, ken seksual nga imoralidad, daddadaelenda pay dayta iti moral ken naespirituan a pamay-an.

Daytoy nakalkaldaang a kasasaad ket naipakpakauna agarup 2,000 a tawenen ti napalabas kadagiti nakaskasdaaw a padto a naisurat iti Biblia. (2 Timoteo 3:1-5; Apocalipsis 11:18) Impadto met ti Biblia a ti Dios​—saan a ti siasinoman a tao​—ti naan-anay a mangatur iti bambanag. Dagitoy a napapateg a topiko ket mailawlawagto iti palawag publiko a napauluan iti “Madadaelto Kadi Daytoy Daga Gapu iti Aramid Dagiti Tattao?” Maipalawag daytoy kadagiti “Umay Koma ti Pagarian ti Dios” a Kombension Distrito dagiti Saksi ni Jehova, a nangrugi idi Mayo iti Estados Unidos ken agpatpatuloy iti intero a lubong.

Naimpusuan nga awisendaka a tumabuno iti kombension a kaasitgan iti pagnanaedam. Tapno maammuam ti ad-adu pay a detalye, kontakem dagiti kalugaram a Saksi ni Jehova wenno agsuratka kadagiti nangipablaak iti daytoy a magasin. Makita iti Web site a www.jw.org dagiti pakaangayanna iti Pilipinas.