Ania ti Marikna ti Dios Maipapan iti Panagsagabam?
Patien ti dadduma a saan a makitkita ti Dios ti panagsagabatayo wenno saan a maseknan iti dayta.
AMMUEM TI KUNA TI BIBLIA
Makitkita ti Dios ti panagsagabatayo ken maseknan kadatayo
“Nakita ni Jehova a nakaro ti kinadakes ti tao ditoy daga . . . , ket nasaktan ti pusona.”—Genesis 6:5, 6.
Pagpatinggaento ti Dios ti amin a panagsagaba
“Iti saanen a mabayag, awanton dagiti managdakdakes; kitaemto ti dati nga ayanda, ket awandanton. Ngem dagiti naemma kukuadanto ti daga, ken maragragsakandanto unay iti naruay a talna.”—Salmo 37:10, 11.
Ti kayat ti Dios para kenka
“‘Sigurado nga ammok ti pampanunotek para kadakayo,’ kuna ni Jehova, ‘ikkankayo iti talna, saan a didigra, tapno maaddaankayo iti nasayaat a masakbayan ken namnama. Umawagkayto ken agkararagkayto kaniak ket denggenkayto.’”—Jeremias 29:11, 12.
“Umasidegkayo iti Dios, ket umasidegto kadakayo.”—Santiago 4:8.