Naan-anay a Magunggonaan iti Teokratiko a Pagadalan iti Ministerio
1 Ti Teokratiko a Pagadalan iti Ministerio sanayennatayo iti “arte ti panangisuro” tapno maisurotayo ti kinapudno ti Biblia iti epektibo a pamay-an. (2 Tim. 4:2) Makaawattayo ti pannakaammo iti nagduduma a topiko ti Biblia iti kada lawas. Kasanotayo a naan-anay a magunggonaan iti panursuro nga ipaay daytoy a pagadalan?
2 Imdenganyo dagiti panglukat a komento ti manangaywan iti pagadalan bayat nga ibinsabinsana dagiti puntos a mabalin a maadal bayat ti gimong. Panunotenyo maipapan iti aniaman a saludsod a tumaud no kasano a masungbatan dagitoy iti ministerioyo.
3 Ti pangisuro a palawag ket saan laeng a basta repaso iti material. Iturongna iti praktikal a pateg ti salaysay kadakayo a mismo. Ti panagsagana a nasakbay ti tumulong kadakayo a lalo a mangipamaysa kadagiti kangrunaan a puntos ket makiramankayo iti oral a repaso a sumaruno.
4 Ti pannakidanggay iti linawas a panagbasa ti Biblia ti mangpauneg iti panangipateg ti Sao ti Dios. Ti mainayon a panagsukimat iparangarangna iti adu a makapainteres a detalye a mangparayray ti pannakaawat iti kinapudno. Dagiti lawag ti Biblia isut’ nasursurok pay ngem ti basta panangulit iti salaysay ti Biblia. Kalpasan ti ababa a repaso iti intero a paset, ilawlawag ti ispiker dagiti kangrunaan a puntos ken ipakitana no kasano a naisinggalutda iti biag ken panagdayawtayo. Agimdengkayo a naimbag tapno makaadalkayo no kasano a maiyaplikar iti panursuro ti Biblia.—Sal. 119:105.
5 No natudingankayo iti palawag ti estudiante, kitaenyo iti punto a pakabalakadanyo a parang-ayen. Basaenyo dagiti singasing idiay Giya ti Eskuelaan iti kalidad ti panagsao, ket ipadasyo ida nga iyaplikar. No pumilikayo iti material, igunamgunamyo dagiti puntos a mausar iti tay-ak.—sg p. 96-9.
6 No kabsatkayo a babai a natudingan iti Palawag Num. 3 wenno Palawag Num. 4, isangoyo ti material iti agpaypayso a buya. Mabalin a ti bumalay ket kumanunong wenno saan iti kada maibagayo; maipakita no kasano a matulongan ti kada tao nga agrason babaen iti prinsipio ti Biblia. (sg p. 153-8) Tumulong daytoy kadagiti timmabuno no kasanoda a masaranget dagiti pangontra a masabetda idiay tay-ak ti serbisio. Isagana ken mainsayo a naimbag ti palawag iti nasakbay. Saan a nasken a mainsayo apaman a mangrugin iti gimong.
7 Dagiti estudiante a mangted kadagiti palawag ti maparegta nga agtugaw iti sango ti paggimongan. Mangsalbar daytoy ti tiempo ken tumulong iti manangaywan ti pagadalan a mangitukon iti komentona a rupan-rupa. Magunggonaan dagiti amin iti naanus, masinunuo a singasing nga itedna kas naibasar iti Giya ti Eskuelaan. Mabalin a saanna a pagsarunuen ti urnos nga agparang iti Speech Counsel slip; pilienna ti maysa a punto ti balakad a maiyataday iti agdama a kasapulanyo unay a parang-ayen.
8 Amin dagitoy ti naimbag a rason kadatayo nga agsagana ken tumabuno iti Teokratiko a Pagadalan iti Ministerio ti kada lawas. Ti panursuro a maawat ti tumulong kadatayo a masirib ken nalaing iti ministeriotayo.