Sarungkaran Dagidiay Nakasarakan ti Interes
1 Nasken nga agsarungkartayo kadagidiay napaimaan ti magasin ken broshur ket padasen a parayrayen pay ti interesda. Ti balligitayo a mangaramid iti dayta ti agpannuray no kasanotayo nga agsagana sakbay nga agsarungkartayo.
2 Laglagipenyo a kaaduan kadagiti agtutubo ti maringgoran maipapan kadagiti bambanag a pakaseknan met dagiti adulto. Dagiti ruar ti Mayo nga Agriingkayo! inusigda dagiti agdama a problema manipud iti panangmatmat dagiti agtutubo. Tumulong dagiti artikulo kadagiti agtutubo ken nagannakda a mangipateg no ania ti nasken iti biag.
3 No naipaimayo ti Mayo 8 nga “Agriingkayo!,” mabalin nga iplanoyo a surnadan babaen ti panangitukon iti Mayo 22 a ruar. Mabalinyo a kunaen:
◼ “Daydi naudi a ruar a naibatik ket salaysayenna iti suheto maipapan ti namnama dagiti agtutubo. Marikna dagiti agtutubo kadagitoy nga aldaw a bassit ti namnamada iti masakbayan. Adu kadakuada ti mangipakita ti pungtotda babaen ti rebelioso a konduktada. Ngem adda dadduma a mangitandudo iti natan-ok a kapanunotan. Daytoy nga artikulo iti kaudian nga Agriingkayo! ti mangilawlawag no kasano a ti nangato a korte ket intandudona iti takder ti maysa nga agtutubo. Kunaek a patgenyo no ania iti maikunana.”
4 Mabalin a maikeddengyo nga itukon ti broshur nga usarenyo daytoy sumaganad nga iyaasideg:
◼ “Nagustuak daydi diskusiontayo iti napalabas maipapan ti masanguanan daytoy daga. [Ipakita ti ladawan iti panid 31 iti broshur nga Ania ti Panggep ti Biag—Kasanoyo a Masarakan Dayta?] Siputanyo dagitoy bersikulo ti Biblia iti pinanid 29 ken 30 a mangilawlawag kadagiti bendision ti Pagarian ti Dios. [Pilien ti kasuratan, ken basaen manipud iti broshur.] Kayatko nga ibati daytoy kadakayo.”
5 No sumarungkarkayo, nalabit a maammuanyo a ti bumalay ket addaan iti bukod a relihioso a literatura ket mariknana nga umdasen dagitoy. Mabalinyo a kunaen:
◼ “Aniaman ti relihiontayo, apektadotayo amin iti krimen, serioso a sakit, pannakaseknan iti aglawlaw, saan kadi? [Palubosan a sumungbat.] Ti pagarupyo adda ngata pudno a solusion kadagitoy a problema? [Basaen ti 2 Pedro 3:13.] Ti panggep ti pagbasaanmi ti nadakamat iti panid 2 idiay Ti Pagwanawanan. [Basaen ti maysa wenno dua a napili a sentensia.] Adu a tattao a saan a Saksi ni Jehova ti maragsakan a mangbasa kadagiti publikasionmi gapu iti makaited namnama a mensaheda, a naibasar iti Biblia.”
6 Nalabit a kayatyo nga alaen daytoy nga iyaasideg:
◼ “Iti daydi napalabas a kaaddak ditoy, nagsaritaantayo maipapan ti manamnama a masanguanan daytoy lubongtayo. Ania ti makunayo maipapan daytoy a report? [Madakamat ti sumagmamano nga agdama a damag a pakaseknan.] No mangngeg dagiti tattao dagiti bambanag a kas iti dayta, paglagawenna ida no sadino ti pagturongan daytoy lubong, saan kadi? Patienmi a dagita a bambanag ket ipasimudaagda nga agbibiagtayon ‘iti maudi nga al-aldaw’ a naipadto iti 2 Timoteo 3:1-5.” Maitultuloy ti diskusion iti maysa kadagiti subtema idiay pinanid 224-8 iti Panakirinnason a libro.
7 No agsaganatayo a naimbag ken ipakita ti napudno a tarigagay a tumulong, makapagtalektayo a dagiti nasingpet panagpuspusoda a tattao ket dumngegda.—Juan 10:27, 28.