Panangpabileg ti Pammati iti Namarsua ti Sangatauan
1 Adu a tattao ti siuulbod a naimpluensiaan iti pammati ti ebolusion imbes a ti panamarsua a kas puon iti biag. Ti libro nga Evolution insalaysayna iti agpadpada a dasig ti isyu ken itukonna iti aglaplapusanan a pammatalged a mangsuportar iti Biblia. Kasanotayo a matulongan dagiti sinsero a tattao a mangipakita a situtulokda a dumngeg? Babaen ti panagsarungkar. No agsarungkartayo, kanayon a nasayaat no adda masinunuo a banag iti panunot a sawen a mangpabileg ti pammati ken Jehova kas Namarsua.
2 No ti tao iparangarangna iti pammati ti Biblia, daytoy nga iyaasideg ti mabalin nga epektibo a pangirugi iti saritaanyo:
◼ “Ti Isaias 45:18 nangted iti nabileg a sasao maipapan iti rugi ti uniberso; ket kayatko nga ammuen no ania ti makunayo iti daytoy. [Basaen ken palubosan nga agkomento.] Kunaenna ditoy a maawagan ni Jehova a kas Namarsua iti langit ken daga. Kasano met maipapan ti biag ditoy rabaw ti daga? Ited met ti Isaias 42:5 kenkuana ti amin a kredito wenno dayaw iti dayta. [Basaen.] No pudno iti kuna ti Biblia, masapul ngarud nga ulbod iti ebolusion. Mariknayo kadi a mapagtalkan ti Biblia?” Iturong idiay kapitulo 17 iti Creation a libro, ket itudo dagiti kanayonan a rason a pamatian ken Jehova kas ti Namarsua.
3 Mabalinyo a rugian ti saritaan iti kastoy:
◼ “Idi naudi a sarungkarko, napataud ti saludsod a, Ania ti masanguanan iti tao ken ti daga? Siputanyo no kasano a ti naibatik a libro ket sungbatanna dayta a saludsod.” Iturong idiay pinanid 234-5 iti Creation a libro ken paregtaen a basaenna iti parapo 6 ken 7. No manayonan ti interesna, mabalinyo nga isaludsod: “Ania a panagbalbaliw, ti pagarupyo, a dumteng ditoy daga?” No maiparbeng, daytoy a punto ti malawlawagan iti dayta a tiempo wenno iti sumaruno a bisita babaen ti panagtultuloy iti dadduma a parapo iti isu met laeng a kapitulo ti Creation a libro.
4 Ti sabali a wagas a pangirugi iti sarungkar isut’ babaen ti panagkuna:
◼ “Agsagsagaba ti sangatauan iti nakaro nga ut-ot ken ladingit gapu iti ranggas ken kinadakes. Ni Jehova, ti Namarsua iti daga, inkarina a panungpalenna dagitoy. [Iturong iti panid 196, ken basaen ti Proverbio 2:21, 22.] Dagidiay mangbigbig kenkuana a kas Namarsua ken aramidenda iti pagayatanna ti kumita iti masakbayan a maipaay ti nakaskasdaaw a bendision.” No maitutop iti dayta a tiempo, maitultuloy ti diskusion iti Apocalipsis 21:4, 5 idiay pinanid 197-8.
5 Dagiti eksperiensiado nga agibumbunannag ti makaammon a kasayaatan no maiyiskediol iti tiempo nga agsarungkar. Ti kaadda ti masinunuo nga urnos iti daytoy a trabaho ti tumulong kadatayo a mangsaruno a dagus iti interes. Ikeddeng ti tiempo a kasayaatan kadakayo ken iti teritoria. Babaen ti regular a pannakiramanyo iti daytoy a trabaho, maragsakankayo a makatungpal iti komision a “mangaramidkayo kadagiti adalan.”—Mat. 28:19, 20.