Tulongan Dagiti Dadduma a Mangidayaw iti Namarsua
1 Mariknatayo aya a kas iti salmista idi nakunana: “O Jehova, . . . adda kenka ti ubbog ti biag”? (Sal. 36:5, 9) Kasanotayo a matulongan dagiti dadduma a mangidayaw iti Namarsua? Babaen ti panangitukon iti Life—How Did It Get Here? By Evolution or by Creation? bayat ti Hunio. Daytoy a libro ti mangted iti solido nga ebidensia iti kaadda ti Dios ket silalawag a mangipakita no apay a ti ebolusion ket saan a pudno.
2 Adtoy ti nalaka, direkta a panangiparang.
Kalpasan ti panangablaaw iti bumalay, ipakita ti ladawan iti panid 6 ken saludsoden:
◼ “Kasano ti itataud ti biag ditoy daga? Adda agkuna a timmaud babaen ti aksidente. Ti Biblia ipaayna amin ti kredito iti Dios. Ania ti makunayo? [Palubosan a sumungbat.] Daytoy a libro ti mangted iti sungbat a maitunos amin iti Biblia ken sientipiko a kinapudno. Kayatko a maadda daytoy kadakayo tapno marepasoyo amin dagiti ebidensia ket dakayo a mismo ti makaikeddeng.”
3 Kalpasan a maiyam-ammom ti bagim, mabalinmo a kunaen:
◼ “Iti daytoy sientipiko a lubong, praktikal a patien iti panamarsua, wenno kunaenyo kadi a timmaudtayo latta? [Palubosan a sumungbat.] Siputanyo ti panagrason ti Biblia iti daytoy a banag. [Basaen ti Hebreo 3:4.] Dikay kadi umanamong a kada patakder ket adda nangpatakder? Ngarud, ti ngata uniberso ket limtuad latta nga is-isuna?” Ipakita ti ilustrasion idiay panid 114 iti Creation a libro, kalpasanna dakamaten ti punto iti parapo 2 iti panid 115. No alaen ti bumalay iti libro, ibaga kenkuana nga iti sumaruno a sarungkaryo lawlawaganyo ti saludsod nga, Ania ti masanguanan iti tao ken ti daga?
4 Wenno kalpasan a makablaawan ti bumalay, mabalinyo a kunaen:
◼ “Ania ti pagarupyo a langa dagiti nagkauna a kappuonantayo? [Palubosan a sumungbat.] Kalanglangada ngata daytoy ‘sunggo-tao’ [Luktan iti panid 83 iti Creation a libro.] Timudenyo ti makuna ti Biblia iti Aramid 17:26. [Basaen.] Ngarud, ania ti nagbasaranda iti daytoy ladawan ti ‘sunggo-tao’? Iyawis ti asikaso iti sasao idiay baba ti ladawan iti panid 89.
5 Ti sabali a dupag isu ti punto maipapan iti akkub ti “Creation” a libro ken kunaen:
◼ “Salsaludsodenmi ita kadagiti kaarruba, Ti aya tao ket timmaud ditoy lubong babaen iti panamarsua wenno ebolusion? Ania ti maisungbatyo? [Palubosan a sumungbat.] Nupay adu nga edukado a tattao ti mamati iti ebolusion, timudenyo no ania ti nakuna iti dati nga astronaut. [Ipakita ti panid 122, parapo 14.] Masapul nga usisaentayo ti ebidensia tapno makita no ania iti patien—ti panamarsua wenno ebolusion.”
6 Il-iliwenyo kadi a tulongan dagiti dadduma a mangadal ti kinapudno maipapan iti Namarsuatayo ken ti naayat a panggepna? Ti Creation a libro ti tumulong kadakayo a mangaramid iti dayta. Dayawenna ti Naindaklan a Namarsua babaen ti panangipakaammona iti nakaskasdaaw a panggepna a mangbendision iti sangatauan babaen ti Pagarian ni Kristo.