Saludsod

◼ Ania nga asikaso ti ipaay kadagiti ramit nga usarentayo iti trabaho a panangasaba?

¹ Nupay adda maitutop a Nainkasuratan a presentasion iti panunot, nalabit a ti maysa nga agibumbunannag ket saan a nakasagana maipapan iti ramit nga usarenna. No addan iti ruangan, amangan no awanan iti agdama a tukon a literatura, wenno dagiti magasin, broshur, ken tract iti pangasabana a bag ket nakuso-kuso wenno napirsa-pirsay. Mabalin a dina masarakan ti lapis wenno house-to-house record gapu ta saan a naurnos ti bagna. Nasken unay nga ipaay iti naannad nga asikaso kadagiti kagawaanyo sakbay a makiramankayo iti tay-ak ti serbisio.

² Ania a bambanag ti masapul a maikarga iti naaruatan a naimbag a pangasaba a bag? Nasken ti maysa a Biblia. Mairaman met ti abasto a house-to-house record. Siguruen nga addaankayo iti publikasion a maitukon iti dayta a bulan. Kasapulan met dagiti agdama a magasin agraman dagiti tract ken broshur. Mangawitkayo iti kopia ti Panakirinnason a libro. Makatulong met kadakayo ti kaadda iti kaudian a Ti Ministeriotayo iti Pagarian a pangrepasuan kadagiti naisingasing a panangiparang sakbay a mapankayo iti ruangan. Ti kaadda ti kopia iti maysa a publikasiontayo a nadisenio nga agpaay kadagiti agtutubo ti tumulong kadakayo a sisasagana a makisao kadagiti teenager.

³ Tunggal banag a mausar ti masapul a nasayaat iti langada ken nadalimanek ti pannakaurnosda iti uneg ti bag. Saan a kasapulan a ti bag ket kanayon a baro, ngem masapul a nadalus ken nasayaat ti langana. Ti pangasabayo a bag ket paset iti ramit a mausaryo a mangiwaragawag iti naimbag a damag. Salimetmetanyo a nasayaat iti urnosna.