Dagiti Maadal iti Video a The Bible—Its Power in Your Life
Kas sungbat kadagiti sumaganad a saludsod, naimpusuan nga iyebkasyo no ania ti makunayo iti mensahe a linaon daytoy a video. (1a) Aniat’ nangpabileg iti minilion a tattao nga agbalbaliw tapno sumayaat ti biagda? (Heb. 4:12) (1b) Aniat’ kasapulan tapno magun-odan daytoy a bileg ken mapagkurri iti biagtayo? (2) Ania dagiti nadakamat a teksto iti Biblia a makatulong kadagiti agassawa tapno (a) mapasayaatda ti komunikasionda ken (b) mateppelanda ti panagpungtotda? (3) Kasano a ti Nakristianuan a panangmatmat iti panagasawa pasayaatenna ti biag ti pamilia? (Efe. 5:28, 29) (4) Kasano a nangipasdek ni Jehova iti perpekto a pagulidanan iti panangipaay kadagiti annak iti tallo a banag a tarigagayan ken kasapulanda amin, ket kasano a maaramidan dagiti nagannak ti kasta met laeng itatta? (Mar. 1:9-11) (5) Apay a rumbeng a dagiti nagannak ti mismo a mangisuro iti Biblia kadagiti annakda, ket aniat’ mangipakita a kasapulan nga aramiden dayta a regular? (Deut. 6:6, 7) (6) Kasano a mapagbalin dagiti nagannak a makapainteres ti panagadal ti pamilia? (7) Malaksid ti panagadal iti Biblia, ania pay ti iparparegta ti Sao ti Dios nga ipaay dagiti nagannak kadagiti annakda? (8) Kasano a ti balakad ti Biblia tulonganna dagiti pamilia tapno mabiagda ti bagbagida? (9) No mayaplikar, aniada a Nainkasuratan a prinsipio ti tumulong a mangpabassit kadagiti parikut iti salun-at? (10) Kasano a binaliwanna ti mismo a biagyo dagiti prinsipio iti Sao ti Dios? (11) Apay a ti panangbuya iti daytoy a video mabalin a maparegtana ti maysa a makasabaantayo nga umannugot a mayadalan iti Biblia iti pagtaenganna?